Que é o Mercado da Estrela?

Que é o Mercado da Estrela?

Benvid@s Estreleir@s!

Se estás a ler isto é porque tes tantas ganas de coñecernos coma nos a ti!

Somos un festival urbano de inverno que naceu no ano 2012 dunha gran ilusión.

A nosa filosofía é clara, incentivar e apoiar a creatividade nacida en Galicia e poñer en valor o esforzo e a calidade da produción local.

Buscamos incrementar a auto estima e o consumo do que nos é propio e brindar a oportunidade a públicos de todas as idades de gozar dun festival de balde no que coñecer aos novos creadores e emprendedores galegos nunha contorna suxerinte, fresca e de brazos abertos na que gozar da música, a gastronomía e as novas tendencias.

Ao longo deste camiño que xa levamos andado convertémonos nun punto de referencia en Galicia para as compras, os brindes os reencontros previos ao Nadal, todo isto avalado polos 10.000 visitantes da nosa última edición, nove convocatorias anteriores celebradas en cinco cidades galegas distintas, e centos de artesáns, artistas, creadores, produtores e emprendedores participantes dende a nosa primeira entrega.

O Mercado da Estrela volta en 2018 cunha edición única na capital de Galicia na que seguimos coa mesma ilusión ca o primeiro día, apostando pola creatividade galega!

Este ano contamos con diferentes zonas nas que os expositores participantes exhibirán e venderán o froito da súa creatividade, atractivas seccións de restauración e venda de produtos agro-alimentarios, e un amplo programa de actividades de balde para que os visitantes gozan dunha fin de semana divertida, diferente e especial con concertos gratuítos de bandas que están a despuntar na escena musical galega, sesións DJ coas que bailar ata a madrugada, obradoiros creativos nos que descubrir novas habilidades, actividades para gozar en familia e accións solidarias e relacionadas coa sostibilidade, a creación e o emprendemento.

© 2018 | Mercado da Estrela |
error: Content is protected !!